Ut Maeken van Roderlo

Joop Brens

Twents Geldersche Uitg Witkam Enschede, softcover.
Twents Achterhoekse Reeks nr. 37

De saege aover ut mooie maeken van Roderlo is al honderden jaorn old en in veschillende beuke is d'r aover e-schreev'n, maar bie mien wetten nog neet in 't plat en da's zonde en jammer, want d'r bunt nog heel wat leu dee ut vehaal neet kent. Ut spölt zik of in de tied toa de pest in 1348 oet Azië naar onze kontreien aoversloog.
Stille, maar onofwendbaor kwamp ut groote starven naoder en in 1350 was ut zoowiet. In Tuwantia en d'n Achterhook sleppen d'n zwatten dood biekans de helfte van 't volk in 't graf. Ganse femilies, man, vrouwe, kinder, de meiden en de knechte, ze gingen d'r an. D'n pestoor veel onder 't breviern dood neer in zienen toon, d'n boer bleef dood achter de plooge en de mooder starf onder ut zogen van eur kind.