Grolsche Wind II, de kostelijke verhalen van Jan Groot Zevert.

Uitg. Fagus, softcover.

In Grolle bunt ze nooit te beroerd um mekare de gek an te stekken, op de hakke te nemmen of veur de gek te hollen.
Jan Groot Zevert ondervunt dat regelmaotig. In zien vri-jwilligerswark bi-j cultureel centrum De Bron bieveurbeeld. Of bi-j zien activiteiten as stadsgids. Altied is ter wal ene den met 'n enkel woord of 'n opmarking-langsde-neuze-weg commentaar gif op wat Jan 's zaoterdags op de Gelderse radio in Grolsche Wind verteld hef.

De old-bakker/caféholder uut Beltrum geniet daorvan. 't Is 't bewies dat de mensen luustert. En, eerlijk is eerlijk, hee is zelf ok neet te beroerd um 'n betje met te "spradden"
Mooi is ok dat leu veurzichtig wodt met uutspraken, zo gauw Jan deel uutmaakt van 't gezelschap. "Hee maakt `r zo 'n verhaal van!", nikkopt ze in zien richting. "En veurda-j 't wet bu-j op de radio!"
Groter compliment ko-j as schriever/verteller neet kriegen!

Lao-w hoppen dat Jan Groot Zevert nog 'n tiedje deur dut. Dan kump ter misschien ok nog wal 'n Grolsche Wind, deel drie
Arie Ribbers