De Naolaotenschop
'n Vertelsel van Augustin Wibbelt

In de Twentsche spraok naoverteld deur G.B. Vloedbeld

Uitg. Drukkerij Lulof & Co Almelo, hardcover.


An de leu, dee dit book wilt lezen.
Dit book is schreven dear AUGUSTIN WIBBELT, dat is nen beroemden schriever oet 't Munsterlaand.
Den hef völ beuk schreven in Munstersch plat en a'k tied har, dun wo'k ze almaol wal in 't Twentsche plat naovertellen, zoo mooi zind ze. Jongs, wat hek aait 'n wil, a'k in Wibbelt ziene beuk zit te lezen. Den Wibbelt kan 't zoo na mooi zeggen en hee teekent ow de mensken net oet, zoo a'j ze al dage um ow hen kunt zeen loopen. En zoo plezeerig asse weet te vertellen! Non nemt dit book ees en hebt er ook wil van. In 't begin vaalt 't lezen misschiem 'n luk zoer, mer dat went wa. 'k Mut nog bekennen, da'k hier en daor zoo vri'j zin wes um nen naam te veranderen.
En non de weg los !
DEN 'T NAO VERTELD HEF.